വിഷു സ്പെഷ്യൽ ട്രെയിനുകൾ 2026: സമയവും സ്റ്റോപ്പുകളും

വിഷു സ്പെഷ്യൽ ട്രെയിനുകൾ 2026: വിഷു ആഘോഷങ്ങൾക്കായി നാട്ടിലേക്ക് മടങ്ങുന്നവർക്കും തിരികെ പോകുന്നവർക്കുമായി റെയിൽവേ പ്രത്യേക സർവീസുകൾ പ്രഖ്യാപിച്ചു. യാത്രക്കാരുടെ വൻ തിരക്ക് പരിഗണിച്ച് ചെന്നൈ എഗ്‌മൂർ, മംഗളൂരു ജംക്‌ഷൻ, ചെന്നൈ സെൻട്രൽ എന്നിവിടങ്ങളിൽ നിന്നാണ് കേരളത്തിലേക്ക് സ്പെഷ്യൽ ട്രെയിനുകൾ ഓടിക്കുന്നത്. കോട്ടയം വഴി തിരുവനന്തപുരം നോർത്തിലേക്കും കൊല്ലത്തേക്കുമാണ് പ്രധാന സർവീസുകൾ.

Remon Geo/ Unsplash

ചെന്നൈ എഗ്‌മൂർ – തിരുവനന്തപുരം നോർത്ത് (06115/06116):

ചെന്നൈ എഗ്‌മൂർ – തിരുവനന്തപുരം നോർത്ത് സ്പെഷ്യൽ (06115) ഏപ്രിൽ 10-ന് രാത്രി 11.55-ന് ചെന്നൈയിൽ നിന്ന് പുറപ്പെട്ട് പിറ്റേന്ന് വൈകിട്ട് 6.00-ന് തിരുവനന്തപുരം നോർത്തിലെത്തും. മടക്ക ട്രെയിൻ (06116) ഏപ്രിൽ 15-ന് വൈകിട്ട് 3.45-ന് പുറപ്പെട്ട് പിറ്റേന്ന് രാവിലെ 11.45-ന് ചെന്നൈയിലെത്തും. ബെംഗളൂരുവിൽ നിന്ന് പാലക്കാട് വഴി തിരുവനന്തപുരത്തേക്ക് പോകുന്നവർക്കും ഈ സർവീസുകൾ ഉപകാരപ്പെടും. പാലക്കാട്, തൃശൂർ, എറണാകുളം ടൗൺ, കോട്ടയം, കൊല്ലം തുടങ്ങിയ പ്രധാന സ്റ്റേഷനുകളിൽ സ്റ്റോപ്പുണ്ട്.

ബെംഗളൂരു വാരാന്ത്യം; പച്ചപ്പും കടലും തേടി പോകാം.. വേനൽച്ചൂടിൽ തണുപ്പേകാൻ ഉഗ്രൻ 4 ഇടങ്ങൾ!Bengaluru

മംഗളൂരു ജംക്‌ഷൻ – തിരുവനന്തപുരം നോർത്ത് (06041/06042):

മംഗളൂരു ജംക്‌ഷൻ – തിരുവനന്തപുരം നോർത്ത് (06041) ഏപ്രിൽ 11-ന് വൈകിട്ട് 6.00-ന് പുറപ്പെട്ട് പിറ്റേന്ന് രാവിലെ 6.30-ന് തിരുവനന്തപുരത്ത് എത്തും. മടക്ക ട്രെയിൻ (06042) 12-ന് രാവിലെ 8.30-ന് പുറപ്പെട്ട് രാത്രി 8.45-ന് മംഗളൂരുവിലെത്തും. കാസർകോട് മുതൽ കൊല്ലം വരെയുള്ള മിക്ക പ്രധാന സ്റ്റേഷനുകളിലും ഇതിന് സ്റ്റോപ്പുണ്ട്. സെക്കൻഡ് എസി, തേഡ് എസി, സ്ലീപ്പർ, ജനറൽ കോച്ചുകൾ ഈ ട്രെയിനിലുണ്ടാകും.

ബെംഗളൂരു-എറണാകുളം റൂട്ടിലെ 'ഫാസ്റ്റ് ട്രാക്ക്' യാത്ര; 11 മണിക്കൂർ, കുറഞ്ഞ സ്റ്റോപ്പുകൾ; സീറ്റ് ഉറപ്പാക്കാൻ ഈ ട്രെയിൻBengaluru

ചെന്നൈ സെൻട്രൽ – കൊല്ലം (06119/06120):

ചെന്നൈ സെൻട്രൽ – കൊല്ലം (06119) ഏപ്രിൽ 15-ന് ഉച്ചയ്ക്ക് 3.10-ന് പുറപ്പെട്ട് പിറ്റേന്ന് രാവിലെ 6.55-ന് കൊല്ലത്തെത്തും. മടക്ക ട്രെയിൻ (06120) 16-ന് രാവിലെ 10.40-ന് കൊല്ലത്തു നിന്ന് പുറപ്പെടും. കോട്ടയത്തും ചങ്ങനാശേരിയിലും ഇതിന് സ്റ്റോപ്പുണ്ട്.